مشکے: سے ماہ پیش زورگریں پاکستانی لشکر ءِ دست ءَ زور بیگواہ کنگ بوتگیں ورنا ھاسل ءِ کھول ءَ وتی شنگ کرتگیں درشانے ءَ گوشتگ کہ ھاسل ء مھمد ھسن کہ آواران ءِ ھند مشکے تنک ءِ جاہ منند 24 اپریل 2024ءَ پاکستا نی لشکر ءَ مشکے بنڈکی ءِ پانگس ءَ لوٹائینتگ ءُ زور بیگواہ کرتگ۔ سے ماہ ءُ بیست ءُ چار روچ ءِ گوزگ ءَ پد ھم نہ آجو کنگ بوتگ ءُ نہ دیم ءَ آرگ بوتگ۔
آئی ءَ گوں درسیں مردم دوست، سیاسی ءُ چاگردی کارکن، بلوچ ءُ گوں آدگہ مردماں لوٹ کرتگ کہ پہ ھاسل ءِ آجوئی ءَ توار چست بہ کن اِت۔ زوریں بیگواھی ءُ بلوچ چکچینی ءِ بگیری ءَ گھگیری بہ کن اِت ءُ توار چست بہ کن اِت۔
