کیچ: تربت ءَ زورگریں پاکستانی لشکر ءَبیڑ برتگ ءُ ورنایے آوار جنگ ءَ پد بیگواہ کرتگ۔
اھوالکار ءِرد ءَ زور بیگواہ کنگ بوتگیں ورنا ءِ نام کمبر ء امید ھان اِنت کہ بالگتر ءِ جاہ منند اِنت۔ آیاں دیر اِنت کہ بگ ءَ نشتگ اَنت۔ زورگریں پاکستانی لشکر ءُ چیریں ادارھانی کارمنداں دوشی شپ ءِ یک ءُ نیم ءَ آوار جتگ ءُ گوں وت برتگ۔
زور بیگواھیں کمبر ءِ باروا گوشگ بیت کہ پاکستانی لشکر ءَ پیسر ءَ ھم یکبرے آوار جتگ ءُ بیگواہ کرتگ۔ اے آئی دومی رند اِنت کہ دوشی آوار جنگ ءُ بیگواہ کنگ بوتگ۔
