شال/ جیمڑی/ اوتل: زورگریں پاکستانی لشکر ءَ دو براتاں ھوار چار مردم آوار جتگ ءُ بیگواہ کرتگ اَنت۔
اھوالکار ءِ رد ءَ چہ شال ءَ پاکستا نی لشکر ءِ دست ءَ زور بیگواہ کنگ بوتگیں مردمانی نام ھدا رھم مری ءُ ھدائے دوست مری ء بار ھان مری اِنت کہ لیس ڈگاری ءِ جاہ مند اَنت۔ پاکستانی لشکر ءَ ھدائے دوست اپریل ءُ ھدا رھم مئی ءَ آوار جتگ ءُ بیگواہ کرتگ اَنت۔ دوئیں وت ماں وت برات اَنت ءُ اشکرکھنے ءَ مزوری کن اَنت۔
ھمے وڑ ءَ پاکستانی لشکر ءَ چہ جیمڑی ءِ میتگ پانوان ءَ مرچی سھب ءَ اکرام ء داد مھمد نامیں ورنایے آوار جتگ ءُ بیگواہ کرتگ۔ زور بیگواھیں مھمد اکرام ءِ باروا گوشگ بیت کہ سر ءَ شر نہ اِنت۔
بنشون ءِ رد ءَ چہ اوتل ءَ آوار جنگ بوتگیں ورنا ءِ نام امان اللہ ء ائید مھمد اِنت کہ آ منگوچر ءِ جاہ منند اِت 12 اگست 2024 ءَ زورگریں پاکستانی لشکر ءَ چہ اوتل بازار ءَ آوار جتگ ءُ بیگواہ کرتگ۔
