بلوچ آجوئی لوٹوکیں سروک رھیم ایڈوکیٹ ءَ ماں چاگردی رسانکدر ایکس ءَ وتی جتائیں ٹویٹاں بلوچ آجوئی لوٹوکیں سروک استاد واھد کمبر ءِ وارجنی ءُ زوریں بیگواھی ءِ باروا نبشتگ کہ پاکستان لاچار کنگ بہ بیت کہ واھد کمبر ءَ آجو بہ کنت ءُ بلوچ سروک، کارکن ءُ لس مردماں زورگپتیں بلوچستان ءُ چہ بلوچستان ءَ ڈن آوار جنگ ءُ درکانودی کوش ءِ دھکاں برجاھیں وتی ردیں شوندات ءَ ھلاس بہ کنت۔
آئی ءَ گوشتگ کہ پاکستان لاچار کنگ بہ بیت کہ پاکستان ءِ زوریں زورگپتی ءَ بلوچستان ءِ آجوئی ءِ بلوچ زرمبشت ءِ پسو دیگ ءَ میان استمانی کانود ءِ شرپ ءَ بہ کنت ءُ پابند بہ بیت۔
بلوچ سروک ءَ گوشتگ کہ پاکستان ءِ نیمگ ءَ بلوچ آجوئی زرمبشت ءِ ناشرکار گوشگ رد اِنت چی ءَ کہ یک کرنے ءَ گیش اِنت آجوئی زرمبشت میان استمانی نزام جوڑشت ءَ جوانیں کردے پیلو کنگ ءَ اِنت۔
