بلوچ آجوئی لشکر ( بی ایل اے ) ءِ جارکش جیھند ءَماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ تمپ ءُ زامران ءَ دو جتائیں ارشاں زورگریں پاکستانی لشکر ءِ راشن ءُ آئی لشکری شرکت ءِ مشین ءُ سامان نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں تمپ ءِ ھند شاہ آپ ءَزورگریں پاکستانی لشکر ءِ پہ بنجل ءَ سامان بروکیں گاڑی گوں راشنان دستیگ کرتگ۔ سرمچاراں ڈرائیور کڈن کرتگ ءُ یل داتگ۔
جارکش ءَ گوشتگ کہ زورگریں لشکرچہ سرمچارانی ارشانی سوب ءَ ھندی گاڑیاں پہ راشن ءَ کارمرز کنت۔ ما پیش ءَ ھم تچکی ءَ گوشتگ کہ پہ زورگریں لشکر ءَ سامان بروکیں مردم وتی جان ءُ مال ءِ تاوان ءِ زمہ وار وت اَنت۔
آئی ءَ گوشتگ کہ بی ایل اے ءِ سرمچاراں دگہ یک کارے ءَ دوشی زامران ءَ زورگریں پاکستانی لشکر ءِ بند ساچی شرکت ءِ مشین ءُ سامان تباہ کرتگ اَنت۔
جارکش ءَ گوشتگ کہ لد ءَ زورگریں پاکستانی لشکر ءِ بنجل ءِ نزیک ءَ سرمچاراں لشکری شرکت ءِ مشیناں تراکناکیں شورہ بستگ ءُ تباہ کرتگ اَنت۔
بی ایل اے ءِ جارکش جیھند ءَ ارشانی زمہ واری من اِتگ اَنت ءُ گوشتگ کہ زوگریں لشکر ءِ چہ بلوچستان ءَ سرجم ءَ درآھگ ءَ مئےکاروائی برجاہ بنت۔
