کیچ: بلیدہ ءَ زورگریں پاکستانی لشکر ءَ بیڑ برتگ ءُ ورنایے آوار جنگ ءَ پد بیگواہ کرتگ۔
اھوالکار ءِرد ءَ زور بیگواہ کنگ بوتگیں ورنا ءِ نام نسرم ء پیربکش اِنت کہ بلیدہ میناز ءِ جاہ منند اِنت۔ پاکستانی لشکر ءُ چیریں ادارھانی کارمنداں پرندوشی آئی گس ءَ بیڑ برتگ ءُ آوار جتگ۔
زور بیگواھیں نسرم پیسر ءَ ھم زور بیگواہ کنگ بوتگ اَت ءُ چہ پاکستانی لشکر ءِ بازیں آزاراں پد سیزدہ جون ءَ یل کنگ بوتگ۔ پرندوشی پد ءَ آوار جنگ ءُ بیگواہ کنگ بوتگ کہ انگت بیگواہ اِنت۔
بنشون ءِ رد ءَ چہ اے کھول ءِ مردماں سے مردم ولید ء ھمید، نزیر ء امیت ءُھنیپ ء امیت لھتیں روچ پیش پاکستانی لشکر ءَ آوار جتگ اَنت۔
کھول ءِ گوشگ اِنت کہ زور بیگواھیں نسرم پیربکش ءَ یک ماھے بیت کہ آجو بوتگ، آ انگت ءِ نادراہ اِنت۔ چہ آئی برات ھمید ءُ برازتک سگیر ءِ بیرانی ءَ گس پرسیگ اِنت مردم پہ پرس ءِ وش آتک ءَ پیداک اَنت۔
آئی ءِ گوشتگ کہ اگاں مئے مردم زوت یل کنگ نہ بوت اَنت گڑا ما زھرشانی کن ایں۔
