بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 9اگست 2024 ءَ جھل جاو ءِ تدو کور ءَ گوں ھندی کشندہ ٹولی ءِ گون ءَ دیم پہ دیمی میڑے ءَ جنگ داتگ ءُ سرمچار سیکنڈ لیپٹیننٹ شمبین پنام شیھک شھید بیتگ۔
آئی ءَ گوشتگ کہ شھید شمبین پنام شیھک جان ء نور مھمد آواران ءِ ھند جاو ءِ سوڑ ھیرو گوٹ ءِ جھمنند بیتگ۔ گل ءِ باسک بیگ ءَ پیش داں دو سال ءَ شھر ءَ نشتگ ءُ گل ءِ دوزواھی ءِ بستار ءَ کار کُرتگ، دو سال ءِ بازیں جپاکشیاں پد 15 اگست 2019 ءَ تچکی ءَ گل ءِ باسک جوڑ بیتگ۔
جارکش ءَ گوشتگ کہ چہ وتی جُھد ءُ جپاکشیانی سْوب ءَ شیھک جان زوت یک منّ اِتگیں جاھے ءَ سر بیتگ، شھید شیھک جان جتائیں جنگاں بی ایل ایپ ءَ ھمگرنچ بیتگ ءُ وتی کِرد پیلو کُرتگ،جاو، آواران، کولواہ،کیلکور ءُ ھورماڑہ ءِ جنگاں دُژمن ءِ تاوان دیگ ءَ وتی کِرد پیلو کُرتگ۔
آئی ءَ گوشتگ کہ گوں راجی جُھد ءَ مھکمی ءُ کارانی پُشدر ءَ شھید ءِ کھول مدام پاکستانی ءِ زوراکیانی دیمپان بیتگ ءُ ھمے میار ءِ بنیاد ءَ شھید ءِ برات زور بیگواہ کنگ بیتگ داں کہ آ چہ وتی جُھد ءَ دزکش بیتگ بلے آئی ءَ گوں مُھکمی ءَ دژمن پیشداشتگ کہ بلوچ راجی ایردستی یک نادراھی ءُ اے نادراھی ءِ بگیری ءَ بلوچ راج ءِ ھرچ مردم وتی جان ءَ ندر کنت آجوئی ءِ جُھد ءَ برجاہ دار ایت۔
جارکش ءَ گوشتگ کہ بلوچ سرڈگار ءِ آجوئی ءَ جان ندر کُرتگیں دُرسیں شھیداں ستک شانی ندر کن ایں کہ راج ءِ جوانمردیں پسگاں وتی جان ندر کُرتگ اَنت ءُ وتی راج ءَ آجوئی ءِ راہ نشون داتگ۔
آئی ءَ گوشتگ کہ بلوچ راج گوں یک سلیں ریاستے ءَ دیم پہ دیم اِنت کہ بلوچ راج ءَ زور ءُ زوراکی ءِ پارست ءَ چہ جُھد ءَ تُرسینگ ءِ جُھد ءَ کنگ ءَ اِنت۔ اے جاوراں ورنایانی زمہ واری اِنت کہ آ آجوئی جُھد ءِ بھر بہ بنت ءُ گوں مھمکی ءَ دیم ءَ بہ جُنز اَنت، چے ءَ کہ آجوئی راج ءِ باندات ءَ وشھال جوڑ کنت۔
جارکش ءَ گوشتگ کہ شھید شبیمن ریاست ءِ لشکر ءُ کشندہ ٹولی ءِ گون ءَ دیم پہ دیمی میڑے ءَ شھید بیتگ، گل ءِ انٹلیجنس ٹیم ءَ کشندہ ٹولی ءِ مردمانی نشان داتگ اَنت کہ زوت آ وتی آسر ءَ سر کنگ بنت۔
میجر گھرام ءَ گوشتگ کہ بی ایل ایپ شھید شبیمن پنام شیھک ءَ ستک شانی ندر کنت ءُ کول کنت کہ شھیدانی ھونانی بیر ءَ آجوئی ءِ دْروشُم ءَ گِر ایں،
