بلوچ راجی آجوئی سنگر ( براس ) ءِ جارکش بلوچ ھان ءَ وتی شنگ کرتگیں درشانے ءَ گوشتگ کہ براس بلوچ راج ءَ سھی کنت کہ چاردہ اگستءَ پاکستان ءِ وتگڑیں آجوئی روچ ءِ شاتکامی جاھاں نشانگ کن ایں۔ ما دلجمیں کہ بلوچ راج پیسری وڑءَ زورگر ءِشاتکامی جاھاں نہ روت۔ بلوچ سرڈگار ءِ سرءَ اے مچی پاکستان ءِ زورگپتی ءِ چیدگ اَنت۔
آئی ءَ گوشتگ کہ چین زورگپتیں بلوچستان ءِ مڈیانی لٹ ءُ پل ءَ زورگریں پاکستان ءِگون ءَ ھوار اِنت۔ ما لٹ ءُ پلیں توانمنداں گوشگ لوٹ ایں کہ زورگپتیں بلوچستان ءِ یک انچے ڈگار کس ءَ دستیگ کنگ ءَ نیل ایں۔ اگاں چین زورگپتیں بلوچستان ءَ پاکستانی زورگپتی ءُ لٹ ءُ پلی ءِ شریداری ءَ یل نہ کنت گڑا بلوچ سرمچار زوگریں ریاست پاکستان ءُ آئی شریداراں ترسناکیں سبکے دے اَنت۔ بلوچ سرمچار گوادر ءِ سر ءَ زورگپتی ءَ پاکستان ءُ چین ءِ ارادہ ءُ شوربندیانی زر ءَ چگل دیگ ءِ شریں وڑے ءَ بودناکی ءَ دار اَنت۔
جارکش ءَ گوشتگ کہ چینی جھگیر بلوچ راج ءَ وتگڑیں چین پاکستان اکتسادی راھداری ( سی پیک ) ءِ ارزیشت ءَ سرپد کنگ ءِ گوشگ ءَ اَنت آھمے گپ ءَ وت یکشل ءَ مان آرگ ءَ نہ اَنت کہ گوادر ءَ ھوار سرجمیں بلوچستان یک زورگپتیں دمگے۔ گوادر ءَ برجاھیں شوربندی دیمروئی ءِ نہ اَنت بلکیں لٹ ءُ پلی شوربندی اَنت ایشانی سوبمندی زورگپتیں بلوچستان ءَ آبادی ءِ کساس ءَ مٹ کنگ ءُ بلوچ راج وتی سرڈگار ءَ گوں کمیناں بھر بہ بیت ءُ وتی راجی پجار، وتی سردگار ءُ مڈیانی سر ءَ واک ءَ ھلاس بہ کنت۔
آئی ءَ گوشتگ کہ چین بلوچ مڈیانی لٹ ءُپل ءَ پاکستان ءِ گون ءَ شریداری ءُ آئی کمک ءَ بند بہ کنت گڑا گوں آئی ءَ بلوچ راج ءَھچ وڑیں دژمنی نیست۔ چین اے گپ ءَ شریں وڑے ءَ سرپد بہ بیت کہ بلوچ وتی وتن ءِ واک ءَ دگہ ھچ پیمیں راجے ءَ نہ دنت ءُ چونیں ھم اے وڑیں توانمندے ءِ بگیری ءَ سکا گھگیری کنت کہ آ زورگرءِ کمک ءَ کنت یا تچکی ءَ لٹ ءُ پل ءِ بھر بیت۔
جارکش ءَ گوشتگ کہ چین ءَ ابید آدگہ ڈیھ ھم بلوچستان ءَ چہ باپاری ءَ پھریز بہ کن اَنت۔ بلوچستان ءَ باپاری داں ھما وھد ءَ بوت کنت دانکہ بلوچ راج وتی آجوئیں وتن ءِ واھند بہ بیتءُڈن ءِ باپاریانی ھواری ءَ بلوچ راجی سلامتی ءِ سوڑگ ءِ واکدار ءَ بہ دار ایت۔
آئی ءَ گوشتگ کہ بلوچ راج ءِ مزنی ءُ واکداری ءِ پلگ ءَ چونیں ھم شوربندی جوڑ کنگ بوتگ اےبلوچ ءِ نپانی بگیری ءَ اَنت۔ گوں ایشی ھواری ءَ میان استمانی راھبندانی بگیری اِنت۔ پہ مولمی مٹیاں اے دور ءَ اے شوربندیانی چاگر د ءِ سر ءَ ردیں سان ھست اَنت کہ آ بلوچستان ءَ تباھی ءِ سوب اَنت۔ پمیشکا چہ بنداتی روچاں براس اے شوربندیانی سر ءَ گوں ترندی ءَ گھگیری کنگ ءَ اِنت۔
جارکش ءَ گوشتگ کہ براس درسیں سرمچاراں پرمان دنت کہ زورگریں پاکستانی ریاست ءِ دیواناں ھوار گوادر ءَ لٹ ءُ پلی شوربندی ءُ پہ زورگپتانی ارادہ ءِ بے سوب کنگ ءَ ایشانی سر ءَ شریں وڑے ءَ ارش بہ کن اِت۔ اے بلوچ راج ءِ سرڈگار اِنت ءُ ایشی آجوئی ءُ پھازداری سرمچارانی سر ءَ اِنت۔
