بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں پنچ اگست ءَ دو شمبے ءِ سُھب ءِ نوہ ءُ نیم ءَ مستونگ ءِ ھند کڈ کوچگ ءَ کلی یلی ءِ نزیک ءَ ٹیلی نار موبائل ءُ یوپون شرکت ءِ ٹاور تیر جتگ ءُ مشین مانداشتگ اَنت۔
آئی ءَ گوشتگ کہ زورگریں پاکستان بلوچ آجوئی لوٹوکانی نشانگ کنگ ءَ موبائل ٹاوراں مِک کنگ ءَ اِنت داں کہ آیاں نشانگ بہ کنت بلے سرمچار اے چیز ءَ شری ءَ زان اَنت کہ پاکستان موبائل ٹاورانی پُشت ءَ آجوئی لوٹوکاں زانگ ءُ نشانگ کنگ لوٹ ایت۔
جارکش ءَ گوشتگ کہ بی ایل ایپ ءِ ٹیکنیکل ٹیم ءُ انٹیلجنس ٹیم بلوچ سرمچارانی ھواری ءَ ھما دُرسیں ٹیکنالوجی آں نشانگ کنت کہ پہ آجوئی لوٹوکانی نشانگ کنگ ءَ مِک کنگ بیتگ اَنت۔
میجر گھرام ءَ ارشانی زمہ واری من اتگ ءُگوشتگ کہ داں بلوچستان ءِ آجوئی ءَ زورگریں لشکر ءُ آئی ءِ ساماناں تاوان دنت۔
