زور بیگواھیں آسپ ءُ رشید ءِ گھار سائرہ ءَ ماں چاگردی رسانکدر ایکس ءَ پہ وتی براتانی زوریں بیگواھی ءِ باروا نبشتگ کہ اے اگست ءِ ماہ ءَ منی براتانی زوریں بیگواھی ءَ شش سال سرجم بوگ ءَ اِنت، داں مرچی ءَ مارا مئے براتانی باروا ھچ گوشگ ءَ نہ اَنت آیانی گون ءَ چے کنگ بوتگ ءُ آیانی میار چے بوتگ۔
آئی ءَ گوشتگ کہ من مرچی ھم شال نندانک ءَ پہ وتی برتانی آجوئی ءَ نشتگ آں، دانکہ منی برات آجو نہ بوتگ اَنت من زھرشانیاں برجاہ دار آں۔
یات بہ بہ اِت کہ سائرہ برات آسپ ءُ رشید پاکستانی لشکر ءَ 31 اگست 2018 ءَ چہ نوشکے زنگی ناوڑ ءَ پکنک جاہ ءَ آوار جتگ ءُ بیگواہ کرتگ اَنت کہ انگت بیگواہ اَنت۔
سائرہ پہ وتی براتانی آجوئی ءَ بلوچستان ءَ ھوار بلوچستان ءَ ڈن اسلام آباد ءُ کراچی ءَ زھرشانیاں بھر زرتگ۔
