بلوچ یکجھتی کمیٹی ءِ سروک ڈاکٹر ماہ رنگ ءَ گوادر ءَ برجاھیں زھرشانی نندانک ءَ گوں جنیناں گپ ءُ تران ءِ میان ءَ لھتے جستانی پسو ءَ گوشتگ کہ گپ ءُ تران ءِ میان ءَ واکدار یک گچینیں گپے ءِسر ءَ کمک کنگ ءَ نہ اِنت کہ پاکستانی لشکر ( ایپ سی ) ءِ بگیری ءَ ایپ آر نہ کناں۔ ما ءُ شما درس سرپد ایں کہ بلوچ راجی مچی ءِ کاروان بہ بیت یاکہ زھرشانی نندانک ، مئے برات شھید ءُ ٹپی کنگ بوتگ اَنت۔ یا آدگہ سامان تاوان دیگ بوتگ اَنت اے درس چہ پاکستا نی لشکر ءِ تیرگواری ءَ کنگ بوتگ اَنت۔ پپمیشکا پاکستانی لشکر ءِ سر ءَ ایپ آئی آر کنگ ھژدری اِنت۔
اے درگت ءَ داکٹر ماہ رنگ ءَ جنین زور داتگ اَنتءُ گوشتگ کہ شما وتی زھگانی ھیلکاری ءَ شر بہ کن اِت،آیاں بوانین دانکہ آھوکیں وھداں راجی دیمپانی ءُ وتن ءِ دیمروئی ءَ کار بہ کن اَنت۔ اگاں زھگانی ھیال نہ داشت گڑا آ پہ راج ءُ وتن ءَ درد ءسر جوڑ بنت۔ آگوں ڈیھ ءَ گدار، نشہ آماچ جوڑ بنت ءُ دزی لٹ ءُپلی ءِ وڑیں ناشریں کارانی تہ ءَ زوال بنت۔
آئی ءَ گوشتگ کہ ماتاں چہ گس ءَدر کپگ ءُ مردینانی گون ءَ اوشتگی اِنت، انچوش کہ مردین مئے ھمک گم ءَ شریدار اَنت۔ اگاں ما آیاں کمک بہ کن ایں گڑا سوبمندیں زندگی یے ءِ گوازینت کن ایں۔
ڈاکٹر ماہ رنگ ءَ گوشتگ کہ من ءَ پھر اِنت گوستگیں نو روچاں برجاھیں زھرشانی نندانک ءَ جنین مردانی ھساب ءَ گیش وھد دیگ ءَ اَنت۔ اے جوانیں گامگیجے، مارا ھمک وھد ءَ ھمے وڑ ءَ اوشتگ ءُ وتی پسگ چہ زوراکانی دست ءَ پجگرگ لوٹ اَنت۔ آ کجام کانود ءِ پارست ءَ مئے پت، برات، زھگ ءُ جود یا آدگہ نزیکیں آزیز ءُ بلوچاں آوار جنگ ءَ اَنت۔
