گْوادر: بلوچ راجی مچی ءِ نندانک ءَ نشتگیں بلوچ یکجھتی کمیٹی ءِ سروکاناں پاکستانی لشکر ءَ کشگ ءِ بیھار داتگ۔
اھوالکار ءِ رد ءَ پاکستانی لشکر ءِ چیریں ادارہ ءِ سروگانے ءَ پہبلوچ یکجھتی کمیٹی ءِ سروک ڈاکٹر ماہ رنگ، سمّی دین، ڈاکٹر سبیہ ءُ سبگت اللہ ءَ کلوہ دیم داتگ ءُ گوشتگ کہ اگاں شما وتی زھرشانی نندانک ھلاس نہ کرت بلوچ یکجھتی کمیٹی ءِ سروک تیر جنگ ءُ کشگ بنت۔
ھندی بنشونے ءِ رد ءَ گوستگیں یک ھپتگے بیت کہ چیریں ادارہ ءِ سروگان بلوچ راجی مچی ءُ زھرشانی نندانک ءِ ھلاس کنگ ءَ گْوادر ءِ کمک دمگدار ءِ کارگس ءَ ساڑی اَنت۔
