کراچی: ریاستی لشکر ءِ زوراکیانی بگیری ءَ آٹس کونسل ءِ دیم ءَ سند پولیس ءَ زھرشانی ءِ سر ءَ بیڑ برتگ ءُ مردم لٹ شاپ کرتگ اَنت باز مردم دزگیر کرتگ ءُ گوں وت برتگ اَنت۔
اھوالکار ءِ رد ءَ دوازدہ مردم ءِ کچ ءَ دزگیر کنگ بوتگ اَنت کہ آیانی تہ ءَ جنین ءُ مرد ھوار اَنت۔
اے زھرشانی بلوچ یکجھتی کمیٹی ءِ نیمگ ءَ بلوچ راجی مچی ءِ سر ءَ ریاستی لشکر ءِ ارش ءُ گوں آدگہ مردماں زوراکیانی بگیری ءَ کنگ بوتگ۔
دزگیر بوتگیں مردمانی تہ ءَ مردنی ھکانی نامداریں کارکن پروپیسر ندا کرمانی ءُ بلوچ یکجھتی کمیٹی ءِ باسک پوزیہ بلوچ ھم ھوار اَنت ۔
یات بہ بہ اِت کہ چہ ایشی پیش ھم سند پولیس ءَ کراچہی پریس کلب ءِ دیم ءَ بی وائی سی ءِ باسک پوزیہ ءُ آدگہ کارکن دزگیر کرتگ اِت اَنت ءُ پد ءَ یل دات اَنت۔
