بلوچستان آجوئی سنگر ( بی ایل ایپ) ءَ چہ وتی رسانکدری تندجاہ” آشوب بی ایل ایپ“ چینل ءَ دو جتائیں ارشانی تامر شنگ کرتگ۔
کیچ ءِ ھند بلیدہ ءَ 29 جولائی 2024 ءَ بی ایل ایپ ءِ سرمچاراں پاکستانی لشکر ءِ چل گاڑیانی کاروان ءَ ھواریں یک گاڑی یے گوں چیر کرتگیں شورھاں نشانگ کرتگ۔ اے تامر ءَ گندگ بیت کہ پاکستانی لشکر ءِ گاڑی سرجم ءَ تباہ بیت۔
بی ایل ایپ ءِ جارکش میجر گھرام ءِ گوشگ اِنت کہ سُھب ءِ ھشت ءُ نیم ءَ زامران ءَ لشکرکشی ءَ روگ ءَ بیتگیں پاکستانی لشکر ءِ چِل گاڑیانی کاروان ءِ سر ءَ سرمچاراں گِلی بلیدہ سرمچاراں نشانگ کُرتگ، اُرش ءَ یک گاڑی یے سرجم ءَ تباہ بیتگ، چہ ایشی ءَ یک کسانیں سروگانے ءَ ھوار ھشت سپاھی جنید، سپاھی آسپ رشید، سپاھی وھید، سپاھی اُزمان گنی،سپاھی آسم، سپاھی نادر ءُ سپاھی رھیم مُرتگ۔
دومی اُرش 20 جولائی 2024 ءَ شھرک ءَ سی پیک دگ ءَ بی ایل ایپ ءِ سرمچاراں مادن بروکیں ٹرالر مانداشتگ اَنت۔ تامر ءَ گندگ بیت کہ مادن بروکیں گاڑی تباہ بیت۔
