لندن: برتانیہ پارلیمنٹ باسک جان میکڈول ءَ یک کردادے پیش کرتگ کہ آئی تہ ءَ گوشگ بوتگ بلوچستان ءِ تیاب دپی شھر گوادر ءَ بلوچ یکجھتی کمیٹی ءِ نیمگ ءَ یک ایمنیں زھرشانی یے ءِ سر ءَ لشکر ءَ زوراکی کرتگ، بلوچ یکجھتی کمیٹی بلوچستان ءَ زوریں بیگواھی، مڈیانی لٹ ءُ پل ءِ بگیری ءَ توار چست کنوکیں گلے۔
کرار داد ءَ دیمتر ءَنبیسگ بوتگ کہ اے مچی ءِ مول بلوچستان ءَپہ زور بیگواھیں مردماں انساپ ءِ لوٹ کنگ ءُ بلوچ یکجھتی کمیٹی ءِ سروکانی ءُ زھرشانی کنوکیں مردم پاکستانی لشکر ءَ داشتگ اَنت، ترسینتگ اَنت، دزگیر ءُ زور ءِ پارست ءَ آیانی پروش دیگ ءُ پہ ھالانی دارگ ءَ پاکستان سرکارءَ دامگ ماٹو کرتگ اَنت۔
گوں پاکستان سرکار ءَ لوٹ کرتگءُ گوشتگ کہ آ دامگ ءَ پچ بہ کنت، دزگیر، ٹپی، بیگواہ ءُ کشتگیں مردمانی کچانی باروا سرپدی بہ دنت۔
لشکر ءِ نیمگ ءَ زھرشانی کنواْکانی سر ءَ لٹ شاپ ءَ بژن درشان کرتگ ، ایر جتگ ءُ گوشتگ کہ ایمنیں زھرشانی کنوکیں مردمانی سر ءَ زور چکاسگ ءَ یل بہ کنت۔ بلوچستان ءَ پہ مردمی ھکاں توار چست کنوکیں مردمانی زندگی ءَ ترس اِنت۔
