روکپتی بلوچستان: گوادر ءَ بلوچ راجی مچی ءِ سر ءَ زورگریں پاکستانی لشکر ءِ ارش ءِ بگیری ءَ باندا سھب ءِ یازدہ ءَ چھبار ءِ بلک بازار ءَ زھرشانی کنگ بیت۔
چھبار ءِ مردماں لو ٹ کرتگ ءُ گوشتگ کہ باندا چارشمبے ءِ سھب ءِ یازدہ ءَ چھبار ءِ بنجاھی شھر کہ آ بلک ءِ نام ءِ زانگ بیت ھمودا بیا اِت ءُ یکجاہ بہ بہ اِت بلوچ راجی مچی ءِ سر ءَ پاکستانی لشکر ءِ میارباریں ارش ءِ بگیری ءَ توار چست بہ کن اِت۔
آئی ءَ دیمتر ءَ گوشتگ کہ بلوچ یکجاہ بہ بہ اِنت ءُ پہ ڈاکٹر ماہ رنگ، سمی دین ءُ آدگہ مردمانی درگیجگ ءَ توار چست بہ کن اِت۔
درشان ءَ گوشگ بوتگ کہ پہ اے زھرشانی ءَ گیش ءَ چہ گیش مردم سرپد کنگ بہ بنت دانکہ پاکستان بزانت روکپتی بلوچستان ءِ مردم ھم پاکستان ءِ میارباریانی بگیری ءَ زھرشانی کن اَنت۔
