ھب چوکی: بی وائی سی ءِ نیمگ ءَ گوادر ءَبیوکیں راجی مچی کاروان ءَ پاکستانی لشکر ءَ گوادر ءِ نہ ھلگ ءَ پد آیاں اوتل زیروپوائنٹ ءَ زھرشانی کرتگ ءُ واتری کراچی ءَ روگ ءَ بوتگ اَنت کہ پاکستانی لشکر ءَ ھب چوکی ءِ نزیکیں ھندگڈانی ءَ داشتگ اَنت ءُ روگ ءَ نہ ھلگ ءَ اِنت۔ مردماں زھرشانی ءَ شال کراچی شھدگ بند کرتگ۔
روانک ءَ ھواریں سمیہ ءِ گوشگ اِنت چہ لشکر ءِ لٹ شاپ ءُ اڑانداں پد کاروان ءَ ھواریں کراچی، ھب چوکی، لسبیلہ ءُ آدگہ ھندانی روکیں کاروان گودار ءَ روگ ءَ نہ اشتگ اَنت۔ چہ بازیں تن، شد ءُ گرمی ءِ سوب ءَ ما واتر کراچی ءَ روگ ءِ سوڑگ کرتگ ءُ دیم پہ کراچی ءَ رھادگ بوتگ ایں، بلے پاکستانی لشکر ءُ ھب واکدار ءَ گڈانی ءِ نزیک ءَ مئے گاڑی داشتگ اَنت ءُ روگ ءَ نہ ھلگ ءَ اِنت۔
آئی ءِ گوشگ اِنت کہ پاکستانی لشکر ءُ ھب واکدار ءَ نزیکیں درسیں ھوٹل بند کرتگ اَنت مارا ورگ ءُ دگہ سامان رسگ ءَ نہ اِنت۔ پمیشکا ما لاچار بوتگ ایں ءُ زھرشانی ءَ دگ بند کرتگ۔
