شال: زورگریں پاکستانی لشکر ءَ بیڑ برتگ ءُ گوادر ءَ بیوکیں پہ بلوچ راجی مچی ءِ پلہ مرزی ءَ مدرسہ ءِ ملا ءُ نودبرے آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں مردمانی نام مولانا اھسان اللہ ءُ ھاپز تنویر اھمد اِنت کہ سی ٹی ڈی ءَ چہ کلی پرکانی آباد ھزارگنجی شال ءَ جامہ اسلامیہ سدیکہ ءَ بیڑ برتگ ءُ آوار جتگ اَنت۔
یات بہ بہ اِت کہ پہ راجی مچی ءِ بگیری ءَ زورگریں پاکستانی لشکر ءَ چہ بلوچستان ءِ جتائیں ھنداں باز مردم آوار جتگ۔
