![](https://zrumbesh.com/wp-content/uploads/2024/07/WhatsApp-Image-2024-07-26-at-12.18.39_2eb92973-1024x576.jpg)
بلوچ اسٹوڈنٹس ایکشن کمیٹی ملیر ھنکین ءِ نیمگ ءَ سئے روچی وانگی تکشامے ماں ملیر ءِ جتائیں ھند ءُ دمگ ءُ میتگاں “بلوچ لیٹریسی کمپین” ءِ چیردستی ءَ برجم دارگ بوتگ۔ زانشتی تکشام ءِ تہ ءَ نودربراں ھوار لس مھلوک ءَ وانگی سرپدی ءِ درگت ءَ پارم پُر کرتگ۔ زانشتی تکشامءَ کتاب میڑہ برجم دارگ بوتگ ءُ نودربر، استاد ءُ زانتکاراں کتاب میڑہ ءَ بھر زُرتگ ءُ چاگرد ءِ تہ ءَ کتاب دودمان ءِ ودینگ ءُ وانگ ءُ زانگ ءِ ارزشت ءِ پشدر ءَ مھلوک ءَ سرپدی داتگ۔
زانشتی تکشامءِ اولی روچ ملیر ءِ میتگ گڈاپ گبول اسٹاپ ءَ، دومی روچ پنچ شمبے میتگ جام کنڈا، سیمی روچ شاہ الی میتگ شراپی ءَ برجم دارگ بوتگ۔ زانشتی تکشام ءَ نودربراں ھوادر چاگرد ءِ آدگہ مردماں بھر زرتگ ءُ کُمک کرتگ ءُ اے کار ساڑاتگ۔
اے سئے روچی سرپدی تکشام پہ ملیر ءُ ھند ءُ دمگ ءِ نودربر ءُ آدگہ مھلونگ ءَ وانگ ءُ زانگ ارزشت ءِ دیمروی دیگ ءَ جوانیں گامگیجے بوتگ کہ سوبمندی ءَ گوں برجم دارگ بوتگ۔ مئے ستک انت بلوچ نودبر، ورنا ءُ لس مھلونک وانگ ءُ زانگ ءِ ارزشت ءَ پوہ اَنت ءُ بلوچ راج چاگرد ءِ تہ ءَ پہ سیاسی زانت ءُ زانشتءَ ودینگ ءَگیش ءَ گیش بساک ءِ وڑیں گل آیانی کمک ءَ ساڑی انت۔