بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسا نکدر ایکس ءَ نبشتگ کہ مئے ھما ھمبل چہ شال ءُ کراچی ءَ زور بیگواہ کنگ بوتگ اَنت آیانی باروا مارا ھچ وڑیں سرپدی دیگ ءَ نہ اَنت۔ ریاست ھچ وڑ ءَ وتی اے رواکی ءِ رویشت ءِ مٹ کنگ ءَ جاڑیگ نہ اِنت۔ بلے ما گوں تچکی ءَ گوش ایں کہ زوریں بیگواھیءُ چہ زوراکی ءَ پیش مئے راہ دارگ نہ بوتگ، نہ انوں دارگ بیت، نہ ھم دیم ءَ مردمانی کاروان دارگ بیت۔
بلوچ ریاست ءِ ھرپیمیں زوراکیں گامگیج ءِ بگیری ءَ گیشتر تپاک ءُ یکجاہ بہ بیت، اے مردمانی گھگیری ءَ گیشتر مھکم کنت ءُ ریاست ءَ پسو ءَ دنت۔
