بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ سامی ءَ زورگریں پاکستانی لشکر ءِ گون ءَ میڑ ءَ بی ایل اے ءِ سرمچار الی جان پنام کریم شھید بوتگ ءُ سے دژمنیں کارمند مرتگ۔
آئی ءَ گوشتگ کہ بی ایل اے ءِ سرمچاراں 23 جولائی 2024 ءِ شپ ءَ کیچ ءِ ھند سامی گیشکور ءَ زورگریں پاکستانی لشکر ءِ یک پانگسے ءَ ارش کرتگ۔ ھمے میان ءَ سرمچارانی دگہ یک ٹولی یے ءَ دژمنیں لشکر ءِ بنجل ءِ نزیک ءَ لٹ ءُ پلی شرکت ءِ مشینءُ سامان نشانگ کرتگ ءُ تباہ کرتگ اَنت۔
جارکش ءَ گوشتگ کہ زورگریں پاکستانی لشکر ءِ گون ءَ میڑ ءِ میان ءَ دژمن ءِ مارٹر گولاءِ تراک ءِ زد ءَ آتکگ ءُ بی ایل اے ءِ سرمچار الی جان پنام کریم ء کمال شھید بوتگ۔سنگت الی جان تربت ءِ ھند سامی ءِ جاہ منند اِنت ءُ اے وھد ءَ گشت کمان ءِ زمہ واریاں پیلو کنگ ءَ بوتگ، آ زامران، بلیدہ، کلبر، سامی ءُ تربت ءَ جنگاں دژمن ءِ بگیری ءَ کاران ھوار بوتگ ءُ نہ ترسی ءِ کرد ءِ پیلو کرتگ۔
آئی ءَ گوشتگ کہ پہ بلوچ راجی آجوئی ءَ وتی ببا دیوکیں الی جان پنام کریم 2018 ءَ گوں ھمبلیں گلے ءَ بندوک بوتگ ءُ کوہ وتی سنگر کرتگ اَنت ءُ 2020 ءَ بی ایل اے ءَ ھوار بوتگ۔ شھید الی جان ءِ کھول زورگریں پاکستانی لشکر ءِ زوراکیانی انگت ءَ دژمن لشکر الی جان ءَ چہ راجی آجوئی لیکہ ءَ دزکش کنگ ءَ بے سوب بوتگ۔
بی ایل اے ءِ جارکش جیھند ءَ گوشتگ کہ بی ایل اے شھید سنگت الی جان ءَ اے گرانبھائیں دیمونی ءَ ستک شانی ندر کنت ءُ ھمے کول ءَ کنت کہ زوت یا دیر ءَ شھیدانی اے کاروان وتی گڈی منزل ءَ سر بیت۔
