پنجگور: مکران زانشتجاہ ءِ بے آسراتی ءُواکدار ءِ رویشانی بگیری ءَ زانشتجاہ ء ِ نودربراں پریس کانپریس کرتگ ءُ گوشتگ کہ مکران زانشتجاہ چہ بنکی آسراتیاں زبھر اِنت۔ زانشتجاہ ءَ پہ ورگ ءَ سارتیں آپ نیست نودربر پہ آپ ورگ ءَ ڈن ءَ رو اَنت ءُ آپ بھا زور اَنت۔
آیاں گوشتگ کہ لین رو اَنت گڑا جرنیٹر ھم چالو کنگ نہ بیت، ھمیشی سوب ءَ نودربر سکا جنجالا نی دیمپان اَنت۔ نہ پرپٹانی اوشتگ ءِ جاہ ھست ءُ نہ کنٹین ءِ آسراتی ھست۔ زانشتجاہ ءِ دیم ءَ مردم کاینت آیاں جست کنوک نیست۔
آیاں دیمتر ءَ گوشتگ کہ زانشتجاہ ءِ واکدار ءَ مدام جیڑھانی باروا گوشگ ءَ ابید آ انگت ءَ پہ جیڑھانی گیش ءُ گیوار کنگ ءَ سنگین نہ اَنت۔ چہ ایشی ءَ ابید نودربر بیھار دیگ بوگ ءَ اَنت کہ شما بے توار بہ بہ اِت۔
نودربراں گوں بلوچستان سرکار ءَ لوٹ کرتگ ءُ گوشتگ کہ زانشتجاہ ءِ جیڑہ گیش ءُ گیوار کنگ بہ بنت ءُ نودربراں آسراتی دیگ بہ بیت۔
