![](https://zrumbesh.com/wp-content/uploads/2024/07/WhatsApp-Image-2024-07-20-at-08.35.56_ce679ca4-1024x683.jpg)
آواران: جاؤ ءَ زورگریں پاکستانی لشکر ءِ بازیں گاڑی آتکگ اَنتءُ جتا جتائیں جاھاں مچ بوگ ءَ اَنت لشکرکشی ءِ گمان اِنت۔
اھوالکار ءِ رد ءَ دو روچ اِنت کہ زورگریں پاکستانی لشکر ءِ گاڑی بازیں کچے ءَ آتکگ اَنت ءُ جاؤ ءِ میتگ زیلگ، ڈولیجی، کوھڑو ءُ کر ءُ کشاں مچ بوگ ءَ اَنت انچوش گمان کنگ بیت کہ پاکستانی لشکر جاؤ ءِ برز ءَ رو در آتک ءُ روکپت ءِ کوھاں لشکرکشی کنت۔ چہ پاکستانی لشکر ءِ مچ بوگ ءَ ھندی مردم سکا ترس آماچ اَنت۔
یات بہ بہ اِت کہ 2015 ءَ پد زورگریں پاکستانی لشکر جاؤ ءِ برزی ھنداں کوھڑو ءُ ڈولیجی ءَ ھوار جتا جتائیں جاھاں پانگس جتگ ءُ نشتگ ۔ باز بےمیاریں مردم دروگیں میڑ ءِ نام ءَ کشتگ ءُ بازیں مردم زور بیگواہ کرتگ اَنت ءُلھتے چہ بازیں آزاراں پد یل کنگ بوتگ ءُ لھتے انگت بیگواہ اَنت۔
انگتءَ دگہ آوارجنی ءِ ھال نیست اے باروا مئے گیشیں جست ءُ پرس برجاہ اِنت۔