بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں پنجگور، کولواہ ءُ تمپ ءَ چار جتائیں اُرشاں پاکستانی لشکر ءِ پانگس ءُ کاروان گوں نوکین ءُ وتکاریں سلاھاں اُرش کُرتگ اَنت۔ اُرشاں دژمن ءِ شش کارمند مُرتگ ءُ پنچ ٹپی بیتگ۔
آئی ءَ گوشتگ کہ مرچی نیمروچ ءَ سرمچاراں کیچ ءِ ھند رودکان کولواہ ءَ زورگریں پاکستانی لشکر ءِ چار پرپٹانی کاروان ءِ سر ءَ سنگر گِپتگ ءُ اُرش کُرتگ، اُرش ءَ دژمن ءِ یک کارمندے مُرتگ ءُ یکے ٹپی بیتگ۔
جارکش ءَ گوشتگ کہ 20 جولائی ءِ بیگاہ ءِ پنچ ءَ کرک ڈل گچک پنجگور ءَ برجاھیں زورگریں پاکستانی لشکر ءِ پانگس ءِ سر ءَ سرمچاراں پیسر ءَ گوں سنائپر توپک ءَ نشانگ کُرتگ ءُ یک کارمندے کُشتگ ءُ پد ءَ گوں نوکین ءُ وتکاریں سلاھاں اُرش کُرتگ ءُ دگہ یک کارمندے کُشتگ ءُ یکے ٹپی کُرتگ۔
آئی ءَ گوشتگ کہ یک شمبے ءِ شپ ءِ ھشت ءُ پنجاہ ءَ پل آباد تمپ ءَ سرمچاراں زورگریں پاکستانی لشکر ءِ پانگس ءِ سر ءَ گوں وتکاریں سلاھاں اُرش کُرتگ ءُ دژمن ءِ یک کارمندے مُرتگ ءُ دو ٹپی بیتگ۔
جارکش ءَ گوشتگ کہ دگہ یک اُرشے ءَ سرمچاراں یک شمبے ءِ شپ ءِ نوہ ءَ ملانٹ تمپ ءَ زورگریں پاکستانی لشکر ءِ پانگس ءِ سر ءَ گوں وتکاریں سلاھاں اُرش کُرتگ ءُ دو کارمند کُشتگ ءُ یکے ٹپی کُرتگ۔
آئیءَ گوشتگ کہ اُرش ءَ پد چہ تب ءَ لاچاریں ریاست ءِ کارمنداں ھند ءِ لس آبادی ءِ سر ءَ بیڑ بُرتگ ءُ وتی پروش ءِ چیر دیگ ءَ مردم زوراکی ءِ نشانگ کُرتگ اَنت۔
جارکش ءَ گوشتگ کہ بی ایل ایپ یک راجی لشکرے کہ آئی ءِ تچکیں سیت راج ءِ ھواری ءَ بلوچستان ءِ آجوئی اِنت۔گل بازیں پِڑاں راج ءِ کمک ءَ زورگریں لشکر پروش داتگ ءُ دیمتر ءَ چہ دژمن ءَ وتی راج ءِ سر ءَ بیتگیں ھمک زوراکی ءِ بیرءَ آجوئی ءِ دروشُم ءَ گیپت۔
میجر گھرام ءَ ارشانی زمہ واری من اتگ ءُ گوشتگ کہ دیمتر ءَ گوں تُرندیں اُرشاں دژمن ءَ پروش دئیں۔
