![](https://zrumbesh.com/wp-content/uploads/2024/07/Cheir-main-1024x576.jpg)
بلوچ راجدوستیں سروک ءُ بی این ایم ءِ پیشیگیں سرکماش ھلیل بلوچ ءَ ماں چاگردی رسانکدر ءِ تند جاہ ایکس ءَ ھیبرپکتونواہ ءِ ھند بنو ءَ روانک ءِ سر ءَ بوتگیں ارش ءِ پژدر ءَ نبشتگ کہ من بنو ءَ پاکستانی لشکر ءِ ناشرکاری ءُ زوراکی ءَ ایر جن آں۔ گوں اے دردیگیں ویل ءَ ما گوں پشتون راج ءَ ھمکوپگیں۔ ریاست ءِ اے زوراکی ءِ کارپد مردمی ھکانی ناھکیں بگیری ءُ پشتون ءُ بلوچ راج ءِ بگیری ءَ چکچینی ءِ درچ اِنت، اے نوں ما ایشی ءَ چد ءُ گیش اوپار کرت نہ کن ایں۔
آئی ءَ گوشتگ کہ اے ارش پر ایمنیں زھرشانی کنوکانی سر ءَ بوتگ کہ آیاں اسپیتیں بیرک زرتگ ءُ پہ ایمنی ءَ روانک ءَ درکپتگ اَنت۔ چہ ایشی ءَ ابید ریاست ءِ ناشرکاریں لشکر ءَ بےمیاریں زھرشانی ءِ سر ءَ تچکی ءَ تیرگواری کرتگ کہ ایشی ءِ آسر ءَ بازیں مردم شھید ءُ ٹپی بوتگ اَنت۔
ھلیل بلوچ ءَ گوشتگ کہ نوں پاکستانی ریاست ایشی ءِ پژدر ءَ چونیں نیمونے دیم ءَ کار ایت؟من پشتوناں گوشگ لوٹ آں کہ مئے باندات گوں گھگیری ءَ بندوک اِنت۔ اگاں ما وتی گھگیری ءَ کم بہ کن ایں گڑا اے ریاست مارا ھمے وڑ ءَ جنت۔ انوں پشتون گھگیری ءَ ھمے پیش داشتگ کہ جھد نوں نیمگی نہ بیت۔ ناشرکاریں ریاست ءَ ایشی ءِ بستار پیشدارگ لوٹ ایت۔ یاد بہ کن اِت وھدے راج گھگیری ءِ شور ءَ کن اَنت گڑا باڑھی لشکر آیانی بگیری ءَ اوشتات نہ کن اَنت۔ اے یک نبشتگین ءُ منانکی دانک اَنت۔