بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند بلیدہ، گلی ءَ پاکستانی لشکر ءِ کاروان گوں چیرکرتگیں شورھان نشانگ کُرتگ، اُرش ءِ زد ءَ آتکگیں یک گاڑی یے سرجم ءَ تباہ بیتگ ءُ گاڑی ءَ سوار بیتگیں دُرسیں کارمند مُرتگ اَنت۔
آئی ءَ گوشتگ کہ مرچی سُھب ءِ ھشت ءُ نیم ءَ زامران ءَ لشکرکشی ءَ روگ ءَ بیتگیں پاکستانی لشکر ءِ چِل گاڑیانی کاروان گِلی بلیدہ ءَ سرمچاراں نشانگ کُرتگ، اُرش ءَ یک گاڑی یے سرجم ءَتباہ بیتگ، چہ ایشی ءَ یک کسانیں سروگانے ءَ ھوار ھشت سپاھی جنید، سپاھی آسپ رشید، سپاھی وھید، سپاھی اُزمان گنی،سپاھی آسم، سپاھی نادر ءُ سپاھی رھیم مُرتگ۔
جارکش ءَ گوشتگ کہ بی ایل ایپ ءِسرمچاراں جنگی ءُ انٹلیجنس بنیاد ءَ پاکستانی لشکر ءَ بلوچستان ءِ ھرچ دمگ ءَ جانی ءُ مالی تاوانانی دیمپان کُرتگ، پمشکا بلوچستان ءَ پاکستانی لشکر ءَ پروش وارتگ۔پمشکا چہ سرمچارانی تُرس ءَ لس آبادیانی سر ءَ بیڑ برگ، زوربیگواھی ءُ دگہ میارباری کنگ ءَ اِنت ءُ وت ءَ دلبڈی دیگ ءِ بےسوبیں جُھدے کنگ ءَ اِنت۔
آئی ءَ گوشتگ کہ بی ایل ایپ تچکی ءَ گْوش ایت کہ بلوچستان ءَ برجاھیں جنگ بلوچ راج ءِ جنگ اِنت ءُ اے جنگ ءَ بی ایل ایپ بلوچ راج ءِ کمک ءَ دیم ءَ روان اِنت ءُ آؤکیں باندات ءَ پاکستانی لشکر ءُ آئی ءِ کمکارانی سر ءَ اُرش گوں ترندی ءَ برجاہ بنت۔
میجر گھرام ءَ ارش ءِ زمہ واری من اتگ ءُ گوشتگ کہ ھمے کولءَ کن ایں کہ داں یک آجو ءُ وژھالیں بلوچستان ءِ آجوئی ءَ پاکستان ءِ سیت بلوچستان ءَ نشانگ کنگ بنت۔
