![](https://zrumbesh.com/wp-content/uploads/2024/07/Cheir-main-1024x576.jpg)
بلوچ راجدوستیں سروک ءُ بی این ایم ءِ پیشیگیں سرکماش ھلیل بلوچ ءَ ھزدار ءَ پاکستانی لشکر ءِ زوراکیانی پژدر ءَ وتی شنگ کرتگیں درشانے ءَ گوشتگ کہ ھزدار ءَ سائرہ ءُ آدگہ جنینانی اَنگِر ءُ دزگیر کنگ ءُ زھرشانی ءِ سر ءَ تیرگواری کنگ نوکیں گپے نہ اِنت بلکیں ریاست ءِ زوراکیانی درچ اِنت۔ بلوچ راج چہ دھکاں زورگری، دری زوراکی ءُ رستریانی دیم پہ دیمی ءَ کنگ گوستانک ءِ گرانیں راھاں سپر کنگ ءَ اِنت۔
آئی ءَ گوشتگ کہ مرچی بلوچ کماش، جنین ءُ ورنایاں ترس پروش داتگ ءُ یک راستیں آشوبے ءِ نیمگ ءَ جنزگ ءَ اَنت ءُ جھان ءِ ھچ وڑیں زور اے جوزگ، توان ءُ دیمونی ءِ لیکہ ءَ پروش دات نہ کنت۔ پاکستان ءِ واکدار دلجم بہ بنت کہ بلوچستان زورگِپت اِنت بلے باج نہ برتگ، انگت جنگ برجاہ اِنت۔
ھلیل بلوچ ءَ گوشتگ کہ گوستانک ءِ تاکدیم گواہ اَنت کہ بلوچ راج گھگیری ءُ گھگیری ءِ تہ ءَ ودی بوتگ ءُ پاکستانی ریاست ءِ گوستانک سلاھانی چگل دیگ ءُ سرجھل کنگ ءِ ئیگ اِنت۔