بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتگ کہ زور بیگواھیں آسپ ءُ رشید ءَ گھار سائرہ، سلمان ءِ گھار سادیہ گوں آیانی ھواری ءَ آدگہ جنین چہ ھزدار ءِ شھر کھنڈر دگ ءَ پاکستانی لشکر ءِ کارمنداں درکانودی آوار جتگ ءُ آیاں چیریں بندیگجاھے ءَ برگ ءَ اِنت، ءُ مردماں آیانی نزیک ءَ روگ ءَ نیلگ ءَ اِنت۔ اے کار آس ءِ تہ ءَ تیل مان کنگ اِنت۔
آئی ءَ گوشتگ کہ اے ریاست ءِ نابودیں سرکارءُ ادارھاں کمو سما نیست کہ آ چی کنگ ءَ اَنت۔ اگاں سائر ہ، سادیہ ءُآدگہ بلوچ گھار زوت یل کنگ نہ بوت اَنت گڑا بلوچ یکجھتی کمیٹی زوت وتی آھوکیں گامگیج ءِ جار ءَ جنت۔
