تربت: چہ گیشیں گرم ءَ کیچ دمگدار ءِ کارگس ءِ دیم ءَ برجاھیں زور بیگواھیں مردمانی کھول ءِ زھرشانی نندانک ءَ زور بیگواھیں مسلم آرپ ءِ پت آرپ گلام نادراہ بوتگ ءُ آئی جاور ناگیگ اَنت پہ درمان کنگ ءَ نادراھجا ہ ءَ برگ بوتگ۔
یات بہ بہ اِت کہ زور بیگواھیں مردمانی کھول ءِ زھرشانی نندانک ءَ مرچی پنچ روچ اِنت کہ برجاہ اِنت پہ ھمدردی درشان کنگ ءَ چہ کیچ ءِ جتائیں جاھاں مردم پیداک اَنت۔
اے وھد ءَ زھرشانی نندانک ءَ زور بیگواھیں مردمانی کھول ءِ کسانیں زھگءُ کماشیں مردم ھم ساڑی اَنت۔ اے کھولانی زھرشانی نندانک ءِ سیمی رند اِنت کہ کیچ دمگدار ءِ کارگس ءِ دیم ءَ برجاہ اِنت۔ انگت ءَ چہ سرکار ءِ نیمگ ءَ پہ آیانی لوٹانی منگ ءَ ھچ وڑیں گامگیج زورگ نہ بوتگ۔
