![](https://zrumbesh.com/wp-content/uploads/2024/07/451212065_406142535773206_5469372922166190852_n.jpg)
تربت: زور بیگواھیں مردمانی کھولانی زھرشانی نندانک ءَ کیچ دمگدار ءِ کارگس ءِ دیم ءَ سے روچ اِنت کہ برجاہ اِنت۔ اے وھد ءَ دہ زور بیگواھیں مردمانی کھول زھرشانی نندانک ءَ نشتگ اَنت۔
چہ زور بیگواھیں مردمانی کھولاں ابید ھک بہ دے اِت زرمبشت، بلوچ یکجھتی کمیٹی، بی ایس او پجار ءِ سروک ءُ باسک ھم ساڑی اَنت۔
زھرشانی ءَ نشتگیں کھولانی گوشگ اِنت کہ مارا ابید زھرشانی ءَ دگہ ھچ وڑیں راہ نیست۔ دانکہ مئے زور بیگواھیں آزیز یل کنگ نہ بوتگ اَنت ما وتی زھرشانی ءَ برجاہ دار ایں۔
اے وھد ءَ زھرشانی نندانک ءَ چہ بلیدہ ءَ زور بیگواھیں مسلم آرپ، پتہ میار، جان مھمد، چہ آپسر تربت ءَ جھانزیب پزل، شے کھن ءِ جاہ منند ڈاکٹر رپیک، کلاھو تمپ ءِ جاہ منند نسار کریم، میری بگ ءِ جاہ منند مھمد ھیات ء سبزل، پیدارک ءِ جاہ منند میران ھسین ءُ سمیر نیامت ءِ کھول نشتگ اَنت۔
یات بہ بہ اِت کہ چہ ایشی پیش ھم دو بر ءَ کھول تربت ءَ کیچ دمگدار ءِ کارگس ءِ دیم ءَ زھرشانی ءَ نشتگ اَنت ءُ چہ واکدار ءِ دروگیں دلبڈی دیگ ءَ پاد کنگ بوتگ اَنت۔ اے سیمی رند اِنت کہ زھرشانی ءَ نشتگ اَنت۔