بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بولان ءِ ھند گیشتری ءَ زورگریں پاکستانی لشکر ءِ چاریگ لال جان مری یک ارشے ءَ تیرگواری کرتگ ءُ کشتگ۔
آئی ءَ گوشتگ کہ لال جان مری 2017 ءَ زورگریں پاکستانی لشکر ءِ چیریں ادارہ ایم آئی ءِ گوشتن ءَ چاریگی کنگ ءَبوتگ۔ بی ایل اے ءِ سرمچاراں دسمبر 2023 ءَ مچ ءِ ھند درنجین ءَ کاروائی یے ءِ میان ءَ پاکستانی لشکر ءِ چاریگ آسمانی پنام اوتھے ء تنگو مری دزگیرکرتگ اَت، جست ءُ پرس ءِ میان ءَ آئی گوشتگ اَت کہ لال جان مری ھمائی نیٹورک ءَ اِنت ءُ ھمے ھند ءَ چاریگی کنگ ءَ اِنت۔
جارکش ءَ گوشتگ کہ لال جان مری گیشتری ءَ ھوار بولان ءِ آدگہ ھنداں لشکرکشی ءُ مردمانی زوریں بیگواھیاں پاکستانی لشکر ءِ گون ءَ تچکی ءَ کار ءَ بوتگ۔ ھمے ھند ءَ آدگہ مردمان ءَ لب داتگ ءُ لاچار کرتگ پہ ایم آئی ءَ چاریگی ءِ کار ءَ ھوار کرتگ اَنت۔
بی ایل اے ءِ جارکش جیھند ءَ گوشتگ کہ راجدروھی ءِ سرزد بوگ ءَلال جان مری کشتگ ءُ آئی گڈی آسر ءَ سر کرتگ۔ بی ایل اے راجدروھی سرزد بوتگیں مردماں ھچ وڑ ءَ نہ بکش ایت ءُ لال جان مری ءِوڑ ءَ آ گڈی آسر ءَ سر کنگ بنت۔
