بلوچ آجوئی لشکر (بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 11 جولائی ءَ یازدہ ءُ نیم ءَمئے سرمچاراں کیچ ءِ ھند مند سورو ءَ برجاھیں پاکستانی لشکر ءِ بنجل ءِ سر ءَ گوں راکٹ ءُ آدگہ سلاھاں ارش کرتگ۔ ارش ءِ آسر ءَ زورگریں لشکر ءَ جانی ءُ مالی تاوان بوتگ۔
آئی ءَ گوشتگ کہ 28 دسمبر 2018 ءَ پاکستانی لشکر ءِ پلہ مرزیں کشندہ ٹولی ءَ کیچ ءِ ھند کوشک بلیدہ ءَ بی ایل اے ءِ سرمچار اورنگزیب پنام مزار ءَ سوراپی دپ ءَ رد داتگ ءُ لوٹائینتگ رستری آزاراں پد شھید کرتگ۔
جارکش ءَ گوشتگ کہ شھید اورنگزیب پنام مزار ء گلاب کوشک بلیدہ ءِ جاہ منند اِنت۔ آ 2016 ءَ گل ءَ ھوار بوتگ ءُ داں شھیدی ءَ گوں ایمانداری ءَ پرز ئے پیلو کرتگ۔
بی ایل اے ءِ جارکش آزاد ءَ گوشتگ کہ گل شھید اورنگزیب پنام مزار ءِ جھد ءُ دیمونیاں شرپ ءِ نگاہ ءَ چار ایت ءُ آئی ءَ ستک شانی ندر کنت۔
