شال: زور بیگواھیں زھیر ءِ کھول ءِ زھرشانی روانک ءِ سر ءَ پولیس ءِ بیڑ برگ ءُ زوراکیانی بگیری ءَ سریاب ءَ تھتگ بند ھرتال کنگ بوتگ۔
اھوالکار ءِ رد ءَ پولیس ءَ بیڑ برگ ءِ میان ءَ مردمانی سر ءَ تیرگواری، لٹ ءُ شاپ کنگ ءِ ھواری ءَ بازیں کچےءَ مردم دزگیر کرتگ اَنت۔
اے درگت ءَ بلوچ یکجھتی کمیٹی ءِ سروک ڈاکٹر ماہ رنگ ءَ زھرشانی ءِ میان ءَ وتی کلوھی تامربندے ءَ گوشتگ کہ پولیس ءَ پر ایمنیں زھرشانی کنوک ریڈ زون ءَ نہ اشتگ اَنت ما واتر سریاب دگ ءَ روگ ءَ ایں من گوں شال ءِ مردماں دزبندی کن آں کہ آ سریاب دگ ءَ بیا اَنت ءُ زھرشانی ءَ ھوار بہ بنت۔
