![](https://zrumbesh.com/wp-content/uploads/2024/06/Dr-Naseem-Baloch-BNM-2-1024x596.jpg)
بلوچ راجی زرمبشت ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ایکس ءَ شال ءَ بیگواھیں زھیر ءِ کھول ءِ زھرشانی ءِ سر ءَ پولیس ءِ بیڑ برگ ءِ پژدر ءَ نبشتگ کہ پاکستان ءِ زوراکیانی بگیری ءَ درساں پاد آھگ لوٹ ایت۔ پر ایمنیں زھرشانی کنوکانی سر ءَ لٹ شاپ، چمی گیس ءُ تیرگواری ءَبازیں جنین ٹپی بوتگ اَنت ایشی گوں ترندیں دانکاں ایر جن ایں۔ پاکستان بلوچ چکچینی کنگ ءَ اِنت۔
آئی ءَ گوشتگ کہ زھیر ءِ آوار جنگ ءَ پد نوں پاکستانی لشکر زھرشانی ءِ ھلاس کنگ ءِ جھد ءَ اِنت۔ اے میان استمانی کانود ءِ رد ءَ آجوئی ءِ گپ ءُ مچی آجوئی ءِ بگیری اِنت۔ پاکستان ءَ پہ بلوچ چکچینی ءَ درسیں کانودانی لگتمال کنگ ءِ سوڑگ کرتگ۔