بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ بی ایل اے ءِ سرمچاراں مرچی سھب ءَ دکی ءَ بلوچ مڈیانی لٹ ءُ پل ءَ ھواریں ریاستی کمکارانی گاڑی گوں بمب ارش ءَ نشانگ کرتگ۔
آئی ءَ گوشتگ کہ سرمچاراں ٹیکدار کور ءَ مڈیانی لٹ پل ءَ ھواریں ریاستی کمکارانی راشن بروکیں گاڑی گوں ریموٹ کنٹرول ءَ تراکناکیں شورھانی ارش ءَ نشانگ کرتگ۔ ارش ءِ آسر ءَ گاڑی سرجم ءَ تباہ بوتگ ءُ گاڑی ءَ سواریں دو مردم ٹپی بوتگ۔
بی ایل اے ءِ جارکش جیھند ءَ گوشتگ کہ دکی ءَ لھتے مردم زورگریں پاکستانی لشکر ءِ پرمان ءِ رد ءَ بلوچ مڈیانی لٹ ءُ پل ءَ شریدار بوگ ءَ ھوار بلوچ راجی زرمبشت ءِ بگیری ءَ کار ءَ اَنت۔ زورگریں لشکر ءِ شریدار مئے نشانگ ءَ بنت۔ بلوچ مڈیانی لٹ ءُ پل ءُ بلوچ چکچینی ءَ ھواریں درسیں ریاستی کاسگ چٹ وتی اے ناشریں کاراں یل بہ کن اَنت اگاں نہ وتی جانی ءُ مالی تاوان ءِ زمہ وار وت اَنت۔
