![](https://zrumbesh.com/wp-content/uploads/2024/07/WhatsApp-Image-2024-07-06-at-08.43.28_2aee06e3-1024x595.jpg)
بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ نبشتگ کہ بلوچ راجی مچی نہ تیوک ءَ بلوچ چکچینی ءِ بگیر ءُ بلوچ راج ءِ پدریچ ءِ مچی اِنت، بلکیں اے گوستانکی ریپرنڈیمے ھم بیت۔ اے ویل ھمے گپ ءِ جار ءَ جنت کہ بلوچ راج آئی نابودی ءُ چکچینی ءَ ھچ وڑ ءَ اوپار نہ کنت۔
آئی ءَ گوشتگ کہ بلوچستان ءَ امپریل میگاہ براجیکٹس ءِ وڑیں چائنہ پاکستان اکنامک کوریڈور ( سی پیک ) بلوچ چکچینی ءَ ریاست ءِ دست ءَ گیش مھکم کنگ ءِ کرد ءَ پیلو کنگ ءَ اِنت۔ اے شوربندی دیمروئی ءِ نام ءَ بلوچانی لٹ ءُ پل ءَ کنت ءُ آیانی بگیری ءَ ریاست ءِ کاروائیاں کمک کنت۔
یات بہ بہ اِت کہ بلوچ یکجھتی کمیٹی ھمے ماہ ءَ گوادر ءَ یک بلوچ راجی مچی یے برجم دارگ ءَ اِنت۔