آواران: مشکے ءِ کوھاں پاکستانی لشکر ءِ جوڑ کرتگیں کشندہ ٹولی ءِ کارمنداں شپانکے لٹ شاپ کرتگ۔
اھوالکار ءِ رد ءَ شپانک ءِ نام اکتر ء شاہ میر اِنت کہ مشکے تنک ءِ جاہ اِنت۔ اکتر تنک ءِ کوہ ڈوکی ءَ گوں وتی رمگ ءَ وانڈہ بوتگ کہ کشندہ ٹولی ءِ کارمند ھمودا شتگ اَنت ءُ اکتر ءَ بے میار ءَ لٹ شاپ اِش کرتگ۔
یات بہ بہ اِت کہ گوستگیں روچاں کولواہ ءِ بدولک ءَ پنچ جولائی ءَ کشندہ ٹولی ءِ کارمنداں راہ بستگ ءُ تیرگواری کرتگ شبیر ء کریم بکش نامیں جت ءِ جاہ منندیں شپانکے ٹپی بوتگ اَت۔
چہ ایشی پیش تیوک ءَ مشکے ءَ زورگریں پاکستانی لشکر ءِ جوڑ کرتگیں کشندہ ٹولی ءِ کارمندانی زوراکیانی بازیں کچے ءَ کیس دیم ءَ آتکگ اَنت۔
