تربت: زورگریں پاکستان ءِ سی ٹی ڈی ءُ چیریں ادارھانی کارمنداں بیڑ برتگ ورنایے آوار جتگ ءُ بیگواہ گوں وت برتگ۔
اھوالکار ءِ رد ءَ زور بیگواھیں ورنا ءِ نام ھالد ء بجار اِنت کہ میری بگ ءِ جاہ منند اِنت۔ دوشی شپءِ دو ءَ پاکستانی لشکر ءَ آئی گس ءَ بیڑ برتگ ءُ زوراکی کنگ ءَ پد آوار جتگ ءُ گوں وت برتگ۔ لشکر ءَ گسانی پٹ ءُ پول کنگ ءِ میان ءَ مردمانی موبائل ھم پل اتگ ءُ برتگ اَنت۔
انچوش گوشگ بوگ ءَ اِنت کہ پاکستانی لشکر ءَ اے کھول ءِ ورنا پیسر ءَ ھم آوار جتگ اَنت، چہ آیاں اکبال آجو بوتگ ءُ ھیات انگت بیگواہ اِنت۔ زور بیگواھیں ھالد نادراھیں مردمے۔
