![](https://zrumbesh.com/wp-content/uploads/2024/06/photo-output-2.JPEG-1024x576.jpg)
بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ بی ایل اے ءِ سرمچاراں شال ءُ تربت ءَ دو جتائیں جاھاں زورگریں پاکستان ءِ ایگل لشکر ءُ چاریگ نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں مرچی شال سریاب دگ ءَ ایکسائز کارگس ءِ نزیک ءَ زوگریں پاکستان ءِ ایگل لشکر ءِ کارمند گوں تراکناکیں شورھاں نشانگ کرتگ اَنت۔ سرمچاراں پرپٹ ءَ سواریں دو کارمند نشانگ کرتگ اَنت ایشی آسر ءَ آیاں جانی تاوان بوتگ۔
جارکش ءَ گوشتگ کہ بی ایل اے ءِ سرمچاراں دوشی تربت ءَ دشتی بازار ءَ کاروائی کرتگ ءُ چیریں ادارہ ایم آئی ءِ کارمند آبد پیربکش جاہ منند بلیدہ کوشک تیرگواری کرتگ ءُ کشتگ۔
آئی ءَ گوشتگ کہ آبد پیربکش 2018 ءَ زورگریں پاکستان ءِ دیم ءَ سلاھانی چگل دیگ ءَ پد زورگریں پاکستانی لشکر ءِ چیردستی ءَ بلوچ زرمبشت ءِ بگیری ءَ چاریگی بندات کرتگ۔ اے کمکار لشکرکشیاں زورگریں لشکر ءِ کمکاری ءَ تچکی ءَ ھوار بوتگ۔ آئی ءَ وتی دروشم مٹ کرتگ ءُ تربت ءَ ھوار جتائیں ھنداں چاریگی کنگ ءَ بوتگ۔
بی ایل اے ءِ جارکش ءَ ارشانی زمہ واری من اتگ ءُ گوشتگ کہ زورگریں پاکستانی لشکر ءُ آئی شریداریں ادارھانی بگیری ءَ مئے کاروائی برجاہ بنت۔