کیچ: کولواہ ءَ پاکستانی لشکر ءِ جوڑ کرتگیں کشندہ ٹولی ءِ کارمندانی تیرگواری ءَ شپانکے ٹپی بوتگ۔
اھوالکار ءِ رد ءَ ٹپی بوتگیں شپانک ءِ نام شبیر ء کریم بکش اِنت کہ جت ءِ جاہ منند اِنت۔ کولواہ ءِ بدولک ءَ پنچ جولائی ءَ کشندہ ٹولی ءِ کارمنداں راہ بستگ ءُ شپانک ءِ سر ءَ کرتگ ءُ ٹپی کرتگ۔
یات بہ بہ اِت کہ بلوچستان ءِ چہ جتا جتائیں ھند ءُ دمگاں پاکستانی لشکر ءُ آئی جوڑ کرتگیں کشندہ ٹولی ءِ کارمند لس مردمانی ھواری ءَ شپانکاں نشانگ کنگ ءَ اَنت۔
چہ ایشی پیش 19 مئی 2023 ءَ زورگریں پاکستانی لشکر ءَ ڈنڈار ءَ الی بکش ء اھمد نامیں شپانکے ھما وھد ءَ گوں مارٹر ءَ نشانگ کرتگ اَت کہ بیگاہ ءَ چہ میتگ ءَ ڈن رمگ ءِ چارینگ ءَ بوتگ اَت۔
ھمے وڑ ءَ پاری مارچ ءَ پاکستانی لشکر ءَ اللہ داد ء براھیم نامیں شپانکے انچش لٹ شاپ کرتگ کہ آ آزار دیگ ءِ وھد ءَ بیران بیتگ۔ بیران بیتگیں اللہ داد ء براھیم کولواہ ءِ ھند چوٹین ءِ جھمنند اِنت۔
