بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اےءِ سرمچاراں مرچی سھب ءَ بولان ءَ زورگریں پاکستانی لشکر ءِ کارمند گوں بمب ءَ نشانگ کرتگ اَنت۔
آئی ءَ گوشتگ کہ سرمچاراں مارگٹ ءَ پاکستانی لشکر ءِ پہ پھازداری ءَ ھالیگیں سنگرے ءَ پیسر ءَ تراکناکیں شورہ چیر کرتگ، دژمنیں لشکر ءِ دو کارمند ھمے سنگر ءَ سر بوتگ اَنت کہ سرمچاراں گوں ریموٹ کنٹرول ءَ چیر کرتگیں شورھاں نشانگ کرتگ اَنت۔ ایشی آسر ءَ یک کارمندے جاھی مرتگ ءُ یکے ٹپی بوتگ۔
بی ایل اے ءِ جارکش جیھند ءَ ارش ءِ زمہ واری من اتگ ءُ گوشتگ کہ زورگریں پاکستانی لشکر ءِ سر ءَ مئے اے وڑیں ارش برجاہ بنت۔
