بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ یک جولائی ءَ سھب ءِ ھشت ءَ بگر داں نیمروچ ءِ یک ءَ مئے سرمچاراں کلات ءِ ھند جوھان ءُ نرمک ءِ میان ءَ گیتانی ءَ کشندہ ٹولی ءِ تر ءُگرد ءِ پژدر ءَ دگ بستگ۔
آئی ءَ گوشتگ کہ پٹ ءُ پول ءِ میان ءَ اود ءَ ابدرزاک نامیں سلاہ بندیں چاریگے گوزگ ءَ بوتگ کہ ھمے مردم پیسر ءَ ھم مئے سرمچارانی نشانگ ءَ بوتگ، آ نزیک ءَ سربوگ ءَ ھوار توپک زرتگ ءُ سنگر گپتگ۔ سرمچاراں آئیءَ توپک چگل دیگ ءِ گوشتگ بلے آئی تیرگواری بندات کرتگ۔ آئی ءِ سر ءَ سرمچاراں پسھی کاروائی کرتگ ءُ کشتگ آئی سلاہ دستیگ کرتگ۔
جارکش ءَ گوشتگ کہ ابدرزاک ء تالب گوستگیں یک وھدے بیت پہ پاکستانی لشکر ءُ چیریں ادارھاں کار کنگ ءَ اِنت۔ آئی کارانی تہ ءَ یکے ھمے ھند ءَ سرمچارانی رندگیری کنگ بوتگ۔چہ ایشی ابیدلشکرکشی، زوریں بیگواھیءُ ورنایانی شھیدی ءَ ھوار بوتگ۔
بی ایل اے ءِ جارکش آزاد ءَ گوشتگ کہ ھمے ھند ءَلشکر ءِ زوراکی ءُ کشندہ ٹولی ءِ تر ءُ گردانی پژدر ءَ مئے سرمچار ھند ءِ ھمک جاہ ءَ دگ بندی کن اَنت، پمیشکا بی ایل اے جوھان ءَ ھوار کر ءُ کشاں درسیں نزیکیں ھندانی مردماں کڈن کنت کہ انچائیں سپراں ھمے جاھاں روگ ءَ بہ پھریز اِت۔
