![](https://zrumbesh.com/wp-content/uploads/2024/06/ڈاکٹر-ابدالھی-1024x576.jpg)
شال: بیگواھیں بلوچانی توار ( وی بی ایم ) ءِ سرکماش نسر اللہ ءَ وتی درشانے ءَ گوشتگ کہ ڈاکٹر ابدالھی ءِ زوریں بیگواھی ءِ کیس کھول ءَ گل ءِ کر ءَ یاداشتگ کرتگءُ گوشتگ کہ ڈاکٹر ابدالھی ء مھمد اسلم ھمے سال ءِ یک جون ءَ آواران ءِ شھر ءَ چہ آئی نادراھجاہ ءَ لشکر ءَ درکانودی آوار جتگ ءُ بیگواہ کرتگ۔ کھول ءَ آئی باروا ھچ وڑیں سرپدی دیگ ءَ نہ اَنت چہ ایشی ءَ کھول سکا جنجالانی دیمپان اِنت۔
آئی ءَ گوشتگ کہ گل ءَ ڈاکٹر ابدالھی ءِ کھول دلجمی داتگ کہ آئی کیس ءَ پہ زور بیگواھیں مردماں جوڑ بوتگیں کمیشن ءُ سرکار ءَ دے ایں ءُ پہ آئی آئی آجوئی ءَ ھمک جاہ ءَ توار چست کن ایں۔
نسرا للہ ءَ گوشتگ کہ ڈاکٹر ابدالھی گوں انچیں شرپمندیں کارے ءَ بندوک اِنت کہ آئی زوریں بیگواھی بژنی گپے ءُ ڈیھ ءِ کانود ءُ مردمی ھکانی ناھکیں لپاشگ اِنت۔ ما ایشی گوں ترندیں دانکاں ایر جن ایں ءُ گوں سرکار ءَ لوٹ کن ایں کہ آ ڈاکٹر ابدالھی ءِ زوریں بیگواھی ءِ باروا دلگوش ءَ گور بہ کنت ءُ زوت پہ آئی آجوئی ءَ دلجمی بہ دنت۔
آئی ءَ گوشتگ کہ اگاں آئی ءِ سر ءَ چونیں بھتامے ھست گڑا آمیدگس ءَ پیش کنگ بہ بیت دانکہ آئی کھول چہ سسائی آزاراں بہ رک ایت۔