بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مچ، بلیدہ ءُ ڈیربگٹی ءَ سے جتائیں ارشاں گیس پائپ لائن، پاکستانی لشکر ءُ آئی راشن نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں دوشی بولان ءِ ھند مچ ءَ کوہ باش ءَ 24 انچ ءِ گیس پائپ لائن گوں تراکناکیں شورہ بستگ ءُ تباہ کرتگ۔
جارکش ءَ گوشتگ کہ چہ ایشی پیش یک ارشے ءَ بی ایل اے ءِ سرمچاراں بلیدہ ءِ سمسوری کور ءَ زورگریں پاکستانی لشکر ءِ راشن بروکیں گاڑی دستیگ کرتگ۔ رند ءَ سرمچاراں سند ءِ جاہ منندیں ڈرائیور کڈن کرتگ ءُ گوں گاڑی ءَ ھوار یل داتگ۔
آئی ءَ گوشتگ کہ بی ایل اے ءِ سرمچاراں 16 جون ءَ ڈیرہ بگٹی ءِ ھند پیرکوہ پاترہ ءَ زورگریں پاکستانی لشکر ءِ کارمند ھما وھد ءَ گوں چیر کرتگیں شورھان نشانگ کرتگ اَنت کہ آ چہ وتی پانگس ءَ پہ تر ءُ گرد ءَ در کپتگ، تراک ءِ آسر ءَ دو کارمند ٹپی بوتگ۔
بی ایل اے ءِ جارکش جیھند ءَ ارشانی زمہ واری من اتگ ءُ گوشتگ کہ ھمے کول ءَ کن ایں داں بلوچ وتن ءِ آجوئی ءَ گوں دژمن ءَ جنگ برجاہ بیت۔
