ھزدار: چاردہ سال پیش پاکستانی لشکر ءِ دست ءَ زور بیگواہ کنگ بوتگیں شمس ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
کھول ءِ گوشگ اِنت کہ شمس یک جولائی 2010 ءَ چہ میاں گنڈی پانگس ءَ ھما وھد ءَ آوار جنگ بوتگ کہ آ پہ وتی مات ءِ درمان کنگ ءَ چہ ھزدار ءَ دیم پہ شال ءَ روگ ءَ بوتگ۔ شمس ءِ زوریں بیگواھی ءَ مرچی چاردہ سال سرجم بوتگ کہ آئی ءِھچ وڑیں ھال نیست۔
کھول ءَ گوں مردمی ھکانی گل ءُ رسانکدری کارکناں لوٹ کرتگ کہ پہ شمس ءِ سلامتی آجوئی ءَ توار چست بہ کن اِت۔
