![](https://zrumbesh.com/wp-content/uploads/2024/06/WhatsApp-Image-2024-06-07-at-01.17.55_d17d36b9-1-1024x576.jpg)
بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ءِ تندجاہ ایکس ءَ پی ٹی ایم ءِ سروک زبیر شاہ آگاہ ءِ دزگیری ءِ پژدر ءَ نبشتگ کہ پی ٹی ایم ءِ سروک زبیر شاہ آگاہ ءِ دزگیری ءَ گوں ترندیں دانکاں ایر جن آں۔ زبیر یک پرکاریں سیاسی باسکے آ مدام پہ بلوچ، پشتون ءُ آدگہ پہ نزوریں راجانی ھکاں دیم ءَ گندگ بوتگ۔
آئی ءَ گوشتگ کہ ریاست ءُ آئی ادارہ مدام سیاسی باسکاں دزگیر، زوریں بیگواھی، ایپ آئی آر ءُ گوں جتائیں ھیلھاں بے توار کنگ ءِ جھد ءَ کنت بلے نوں درسیں ھیلہ بے سوب بوتگ اَنت۔ سیاسی ءُ مردمانی ھکانی باسک نوں چہ اے وڑیں ھیلھاں چہ وتی ھکانی جھد ءَ پدکنز نہ بنت۔
ڈاکٹر ماہ رنگ ءَ گوشتگ کہ ما زبیر شاہ ءِ زوتیں آجوئی ءِ لوٹ ءَ کن ایں۔