کیچ: مرچی سھب ءَ چہ گلی ءَ پاکستانی لشکر ءِ دست ءَ زور بیگواہ کنگ بوتگیں دوئیں برات شاہ جان ءُ سادک ء ملا نور اللہ ءِ کھول ءِ نیمگ ءَ پاکستانی لشکر ءِ بنجل ءِ دیم ءَ برجاھیں زھرشانی نندانک پہ زور ھلا کنگ بوتگ۔
اھوالکار ءِ رد ءَ مرچی سھب ءَ زور بیگواھیں مردمانی کھول زھرشانی نشتگ مدام ھمے وڑ دلبڈی دیگ ءَ بوتگ اَنت کہ شما وتی زھرشانی ءَ ھلاس بہ کن اِت دو اداراں شمے زھگ یل کنگ بنت، بلے کھو ل ءَ وتی زھرشانی برجاہ داشتگ، شپ ءَ پاکستانی لشکر ءُ کشندہ ٹولی ءِ کارمنداں کھول بیھار داتگ کہ اگاں شما وتی زھرشانی ھلاس نہ کرت ما شاہ جان ءُ سادک ءَ کشین ءُ آیانی لاشاں چگل دے ایں کھول ترس اتگ ءُ زھرشانی نندانک اِش ھلاس کرتگ۔
