پنجگور: تیرگواری ءُ دگ ویلاں سے مردم بیران ءُ جنینے ءَ ھوار ھپت مردم ٹپی بوتگ۔
پنجگور ءِ ھند تار آپس ءَ سلاہ بندیں مردماں ابدالباکی نامیں مردمے ءِ گس ءَ بیڑ برتگ ءُ تیرگواری کرتگ ابدالباکی بیران ءُ آئی لوگبانک ٹپی بوتگ۔
ھندی مردمے ءِ گوشگ اِنت اے ویل ھما وھد ءَ بوتگ کہ دزاں لٹ ءُ پل ءِ جھد کرتگ آ گوں دزاں گر ءُ چیل بوتگ اَنت دزاں نشانگ کرتگ اَنت۔
ھمے وڑ ءَ پنجگور ءِ ھند سرادوک ءَ مزدہ ءُ پیکپ گاڑی یے ءِ ڈک ورگ ءَ دو مردم ابدالکیوم ءُ ابدالستار بیران ءُ دگہ شش مردم ٹپی بوتگ اَنت۔ ٹپی بوتگیں مردم پہ درمان کنگ ءَ نادراھجاہ ءَ برگ بوتگ اَنت۔
