کیچ: دہ روچ پیش چہ شال ءَ پاکستانی لشکر ءِ دست ءَ زور بیگواہ کنگ بوتگیں نودربر پاروک ءِ کھول ءَ تجابان ءَ زھرشانی ءَ سی پیک دگ بند کرتگ۔ زھرشانی ءِ سوب ءَ دوئیں نیمگاں مزنیں کچے ءَ گاڑی اوشتاتگ اَنت۔
زھرشانی ءَ جنین ءُ زھگاں ھوار مردماں بازیں کچے ءَ بھر زرتگ۔ زھرشانی کنوکیں مردماں پلے کارڈ دستاں بوتگ اَنت کہ آیانی سر ءَ جتائیں اوگام نبشتہ بوتگ۔
یات بہ بہ اِت کہ پہ پاروک ءِ زوری ءِ بیگواھی ءِ بگیری ءَ شال ءَ دمگدار ءِ کارگس ءِ دیم ءَ زھرشانی کنگ بوتگ بلے واکدار ءِ نیمگ ءَ دروگیں دلبڈی دیگ ءُ زھرشانی ھلاس کنگ بوتگ انگت ءَ پہ آئی آجوئی ءَ ھچ وڑیں دلجمیں گامگیج زورگ نہ بوتگ۔
کھول ءِ گوشگ اِنت دانکہ پاروک یل کنگ نہ بوتگ ما وتی زھرشانی ءَ برجاہ دار ایں۔
