بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ بلوچ نودربرانی زوریں بیگواھیءِ پژدر ءَ نبشتگ کہ بلوچ نودربرانی زوریں بیگواھی تیز کنگ بوتگ، بھاولپور زانشتجاہ ءِ گولڈمیدلیسٹ ھنیپ بلوچ چہ وتی ھند ءَ بارکان ءَ آوار جنگ ءُ زور بیگواہ کنگ بوتگ۔ وھدیکہ آئی برات سید بلوچ کہ آ پنجاپ زانشتجاہ ءِ نودربراِنت آ لاھور ءَ لوٹائینگ ءُ درکانودی آوارجنگ ءَ پد بیگواہ کنگ بوتگ۔
آئی ءَ گوشتگ کہ زوریں بیگواھی بلوچ چاگرد ءِ تہ ءَ شومک ءِ کرد ءَ پیلو کنگ ءَ اِنت۔ مئے سرجمیں چاگرد ءَلپاشگ ءَ اِنت۔ چونیں ھم مردمے چہ گس ءُھمے ھنداں پھریز نہ اِنت، اے بلوچ چکچینی ءِ ترسناکیں دروشم اِنت۔
ڈاکٹر ماہ رنگ ءَ گوشتگ کہ بلوچ چکچینی ءِ بگیری ءَ بے توار بوگ ءَ پاھدگ نیست، بلکیں چہ لس مردمی گھگیری جھد ءَ ما ایشی دیم ءَ داشت کن ایں۔ ما چنچو بے توار بہ بہ ایں آ ھمے وڑ گوں ترندی ءَ مئےچکچینی ءَ کن اَنت۔
